Լենա Նազարյանն Ադրբեջանի սադրանքների վերաբերյալ նամակներ է հղել Չինաստանի և Վրաստանի իր գործընկերներին

Ազգային ժողովի փոխխոսնակ Լենա Նազարյանը Ադրբեջանի սանձազերծած գործողությունների վերաբերյալ նամակներ է հղել Չինաստանի Ժողովրդական Հանրապետության և Վրաստանի Հանրապետության իր գործընկերներին:

«Որպես ՀՀ ԱԺ Հայաստան-Չինաստան, Հայաստան-Վրաստան բարեկամական խմբերի ղեկավար՝ այսօր նամակներ եմ ուղարկել ՉԺՀ Ժողովրդական Ներկայացուցիչների համաչինական ժողովի Չինաստան-Հայաստան բարեկամական ղեկավար Չժան Եսուին և Վրաստանի Խորհրդարանի նախագահի տեղակալ, Վրաստան-Հայաստան պատգամավորական բարեկամական խմբի ղեկավար Գիորգի Վոլսկիին։ Տեղեկացրել եմ նրանց Հայաստանի Հանրապետության հյուսիս-արևելյան սահմանների ուղղությամբ Ադրբեջանի կողմից կատարված ռազմական ագրեսիայի, ինչպես նաև Թուրքիայի արտաքին գործերի նախարարության աջակցող հայտարարությունների մասին, որը ստեղծում է լրացուցիչ լարվածություն, ապակայունացնում է տարածաշրջանային անվտանգությունը»,- գրել է Լենա Նազարյանը ֆեյսբուքյան իր էջում:

Քաղաքականություն

Պատահարներ