Ադրբեջանական haqqin.az լրատվակայքը հերթական կեղծ տեղեկությունն է տարածել.«Տեղեկատվության ստուգման կենտրոն»

haqqin.az-ը աֆղանական պատերազմի տեսանյութը ներկայացրել է որպես ադրբեջանական բանակի «հաջողություն»: Այս անգամ Բաքվից ղեկավարվող կայքը ներկայացրել է տեսանյութ, որում երևում է, թե ինչպես է խոցվում մոտ 10 զինվորական տեղափոխող ռազմական մեքենա։ Կայքը մեծարել է սեփական երկրի զինված ուժերին և հայտարարել, թե Հայաստանի ղեկավարությունը թաքցնում է սեփական կորուստները։ 

Այս մասին տեղեկացնում է «Տեղեկատվության ստուգման կենտրոնը»: 

«Ուսումնասիրելով տեսանյութը, «Տեղեկատվության ստուգման կենտրոնը» պարզել է, որ այն համացանցում հայտնվել է առնվազն 2019 թվականին։ Ամենայն հավանականությամբ այն արվել է Աֆղանստանում»,-ասված է կենտրոնի հաղորդագրության մեջ։ 

Աղբյուրը տեղեկատվությանը կից ներկայացրել է նաև կայքի տարածած տեսանյութն ու դրա բնօրինակ տարբերակը։