Այսօր միասնական քննությունների երկրորդ օրն է. երեք առարկայից քննություն է հանձնում 2233 դիմորդ

Հուլիսի 4-ը միասնական քննությունների երկրորդ օրն է: 47 քննական կենտրոնից գործում  է 23-ը, որից 8-ը՝ մայրաքաղաքում: Գնահատման և թեստավորման կենտրոնի մամուլի խոսնակ Խաչանուշ Գրիգորյանը  տեղեկացնում է, որ  այսօր դիմորդները հանձնելու են «Աշխարհագրություն» /286 հոգի/, «Հայոց պատմություն» / 1598/ և «Քիմիա» /349/ առարկաներից։ 

Մայրաքաղաքում «Աշխարհագրություն» առարկան հայտագրած 75 դիմորդ քննությունը հանձնելու է թիվ 170 ավագ դպրոցում տեղակայված քննական կենտրոնում: Թիվ 189 դպրոցի քննական կենտրոնում 129 հոգի «Քիմիա» է հանձնելու: Մնացած 6 քննական կենտրոններում միայն «Հայոց պատմություն» են հանձնելու՝ ընդհանուր 558 հոգի:

Դիմորդները պետք է քննական կենտրոններ ներկայանան ժամը 08.30-ից ոչ ուշ։ 

Հիշեցնենք, որ միասնական քննությունները մեկնարկել են հուլիսի 2-ից, կավարտվեն հուլիսի 8-ին։  Այս տարի դիմորդները բարձրագույն ուսումնական հաստատություններ կընդունվեն՝ հանձնելով ընդունելության մեկ քննություն: 

Քաղաքականություն

Պատահարներ