Հուլիսի 1-ից ուժի մեջ են մտել առաջին և երկրորդ երեխաների ծննդյան գումարների և խնամքի նպաստների նոր չափերը
Հուլիսի 1-ից աջակցության հետեւյալ ծրագրերը արդեն մտել են ուժի մեջ:
. 1-ին երեխայի ծնվելու դեպքում միանվագ նպաստը նախկին 50 000-ի փոխարեն դարձել է 300 հզ. դրամ (բարձրացվել է 6 անգամ)։
. 2-րդ երեխայի դեպքում միանվագ վճարը նախկին 150 հզ-ի փոխարեն դարձել է 300 հզ. դրամ (աճել է 2 անգամ)։
. Ամենամսյա խնամքի նպաստը աճել է 18 հզ. դրամից 26.5-53 հզ. դրամ, մասնավորապես
. Գյուղաբնակ չաշխատող մայրերը, ովքեր նախկինում ոչ մի աջակցություն չէին ստանում, ամեն ամիս կստանան նպաստ` 26.5 հզ. դրամ։
. Գյուղաբնակ աշխատող մայրերը կստանան նախկինի համեմատ գրեթե 3 անգամ բարձր՝ 53 հզ. դրամ ամսական նպաստ (նախկինում 18 հզ. դրամ էր)։
. Քաղաքաբնակ աշխատող մայրերը, նախկին 18 հզ. դրամի փոխարեն այսուհետ կստանան 26.5 հզ. դրամ։
Այս մասին ֆեյսբուքյան իր էջում հիշեցրել է նաեւ ԱԺ պատգամավոր Գայանե Աբրահամյանը՝ հավելելով.
«Երկիրը թալանած եւ քրեական գործերով անցնող կարկառունները կարծես այնքան են թեւ առել, որ սկսել են հաշվել մեր օրինական աշխատավարձերը, մեղավոր ենք, որ Ձեր թալանածը դեռ ամբողջությամբ չենք վերադարձրել պետբյուջե, այլապես վերը նշված սոցիալական աջակցությունները կլինեին կրկնակի, մեղավոր ենք, որ դուք ցուցմունքներ տալու փոխարեն դեռ ստատուսներ եք գրում, բայց ամեն ինչ առջեւում է, բոլորի հերթը գալու է»:
