Ուժեղացված ստուգայցեր են իրականացվել Էրեբունու զբոսայգիներում
ՀՀ պարետի որոշումներով սահմանված պահանջների կատարման նկատմամբ իրականացվող վերահսկողության շրջանակում Բնապահպանության և ընդերքի տեսչական մարմինը, փոխգործակցելով ՀՀ ոստիկանության հետ, այսօր կրկնակի ուժեղացված ստուգայց է կատարել Երևան քաղաքի Էրեբունի վարչական շրջանում։
Մասնագիտական թիմը շրջել է Ազատամարտիկների զբոսայգում և իրականացված մշտադիտարկումների արդյունքում գրանցել դիմակները ոչ ճիշտ կրելու, երբեմն նաև սոցիալական հեռավորություն պահպանելու պահանջը խախտելու դեպքեր։
Տեղում տրվել են խախտումները վերացնելու վերաբերյալ ցուցումներ և բաժանվել մեկանգամյա օգտագործման դիմակներ։
Վարչական շրջանում տեսուչներն իրականացրել են լայնածավալ իրազեկման աշխատանքներ կորոնավիրուսային հիվանդության տարածման կանխարգելման վերաբերյալ։
ԲԸՏՄ-ն հայտնում է, որ ՀՀ բոլոր մարզերում ընթանում են խստացված ստուգայցեր։
