Գալյա Նովենցի կերտած կերպարները կմնան հավերժ, ինչպես ինքը՝ մեր հիշողություններում. Մակունցի գրառումը
Այսօր ՀՀ ժողովրդական արտիստ Գալյա Նովենցի ծննդյան օրն է: ՀՀ ԱԺ «Իմ քայլը» խմբակցության ղեկավար Լիլիթ Մակունցն իր ֆեյսբուքյան էջում հրապարակել է դերասանուհու լուսանկարը գրելով.
«Մարդիկ, ում մասին միշտ խոսում ենք ներկայով: Համոզված եմ, որ Գալյա Նովենցի կերտած կերպարները կմնան հավերժ, ինչպես ինքը՝ մեր հիշողություններում։ Իր տաղանդով նա ոչ միայն գերեց հայությանը, այլև շատերիս ճանաչել ու յուրովի սիրել տվեց Հայաստանը, ինձ՝ առավելապես Գյումրին։ Եվ քանի դեռ կանք, մենք շարունակ մեջ ենք բերելու տարբեր ֆիլմերից իր զորեղ խոսքերը»:
Մակունցը հետևյալ մեջբերումն է արել՝ «էրեխեք կլսեք, մեզի դիտողություն կենեն։ Այ տղա Ռուբե՛ն, ա՛յ տղա, մի հատըմ ձեն հանե, մեզի դիտողություն կենեն … » »:
