Վրաստանում կորոնավիրուսով վարակի 3 նոր դեպք է գրանցվել

Հունիսի 22-ի ժամը 10:00-ի դրությամբ՝ Վրաստանում կորոնավիրուսով վարակի 3 նոր դեպք է գրանցվել. ընդհանուր դեպքերի քանակը երկրում 911 է: Այս մասին գրում  է կառավարության կողմից ստեղծված stopcov.ge կայքը: Այս մասին հայտնում է Aliq.ge-ն։

Վրաստանում այսօր կորոնավիրուսից բուժվել է ևս 7 պացիենտ և ընդհանուր հաշվով՝ վարակը հաղթահարել է 768 մարդ: Վարակից երկրում մահացել է 14 մարդ:

Այս պահի դրությամբ՝ կարանտինային գոտում է գտնվում 2662 քաղաքացի, հատուկ ստացիոնար հսկողության տակ է 255 պացիենտ: Արտերկրից կորոնավիրուսով վարակված 3 քաղաքացի է տեղափոխվել Վրաստան բուժվելու նպատակով:

Հիշեցնենք, որ Վրաստանում առաջին անգամ կորոնավիրուսով վարակի դեպք է հայտնաբերվել փետրվարի 26-ին: