Հայաստանում կորոնավիրուսի դեմ պայքարին արձագանքում են նաև դրսից
ՀՀ սփյուռքի գործերի գլխավոր հանձնակատար Զարեհ Սինանյանն առցանց ասուլիսի ժամանակ տեղեկացրեց, որ ֆրանսիացի բժիշկների երկրորդ խումբն է գալիս Հայաստան: Ներկայացնելով գրասենյակի աշխատանքները՝ նա նշեց, որ համավարակի առաջին օրերից կապ են պահել առողջապահության նախարարության հետ.
«Նրանք մեզ ուղեցույց են տվել՝ ինչպիսի՞ կարքիներ ունի ՀՀ-ն, ինչով կարող ենք աջակցել՝ սփյուռքի մեր հայրենակիցներին ներգրավելով»:
Նա նաև նշեց, որ այդ ուղղությամբ մեծ աշխատանքներ են իրականացվել: Զարեհ Սինանյանն ընդգծեց նաև, որ ակտիվ աշխատանքներ են իրականացվում ամերիկահայ համայնքի հետ, բժիշկների թիմ է պատրաստվում Հայաստան գալ: Նրա խոսքերով՝ Ուկրաինայից ու այլ համայնքներից ևս հետաքրքրվածներ կան:
Առցանց ասուլիսին մասնակցում էին նաև առողջապահության նախարար Արսեն Թորոսյանը, Հայաստանում ԱՄՆ դեսպան Լին Թրեյսին, Հայաստանում Ֆրանսիայի դեսպան Ժոնաթան Լաքոթը և Ֆրանսիայի բժշկական խմբի ղեկավար Ալեքսանդր Մինյոնը:
