ԱՄՆ իշխանությունները մտադիր են դադարեցնել մի քանի տեսակի վիզաների տրամադրումը
ԱՄՆ նախագահ Դոնալդ Թրամփի վարչակազմը մտադիր է մի քանի օրվա ընթացքում հայտարարել մի քանի տեսակի վիզաների տրամադրման դադարեցման մասին, հաղորդում է ՏԱՍՍ-ը՝ հղում անելով The New York Times-ին:
Պարբերականի աղբյուրների խոսքով՝ Թրամփը կստորագրի համապատասխան հրամանագիրը: Արդյունքում ամերիկյան ընկերություններին դժվար կլինի աշխատանքի ընդունել այլ երկրներից քաղաքացիների, այդ թվում ծրագրավորողների եւ այլ մասնագետների, նույնիսկ եթե նրանք ավարտել են ԱՄՆ բուհերը:
Այդ միջոցը, հավանաբար, կանդրադառնա սեզոնային աշխատողների վրա:
Հրապարակման մեջ նշվում է, որ ԱՄՆ իշխանությունները, հավանաբար, կդադարեցնեն կամ կսահմանափակեն մի շարք ծրագրեր, որոնք ենթադրում են ԱՄՆ եւ այլ երկրների միջեւ մշակութային փոխանակման անցկացում: Սահմանափակումները կգործեն նաեւ 2021 թվականին:
CNBC հեռուստաալիքի տեղեկություններով՝ հրամանագրի սեւագիր տարբերակն արդեն պատրաստ է: Ակնկալվում է, որ աշխատանքներն կավարտվեն այս շաբաթ:
