Տեղափոխելու ընթացքում Մանվել Գրիգորյանին կարող էինք կորցնել. ԲԿ-ի տնօրեն
ԵԿՄ նախկին նախագահ, ԱԺ նախկին պատգամավոր Մանվել Գրիգորյանի վիճակը համեմատաբար կայուն է, եկել է գիտակցության։ Այս մասին NEWS.am-ի հետ զրույցում ասել է «Նաիրի» բժշկական կենտրոնի գործադիր տնօրեն Անատոլի Գնունին։
«Սկզբում շտապ օգնության մեկ բրիգադ է գնացել, որը եղել է ոչ այնքան պրոֆեսիոնալ, այնուհետեւ Էրեբունի բկ-ի շտապ օգնության անձնակազմն է մեկնել։ Ունեցել է սրտի զարկերի անկում մինչեւ 40-ի, եթե տեղափոխեին ադ պահին, ապա ճանապարհին կկորցնեինք Գրիգորյանին։ Տանը շտապ օգնության բրիգադները կարողացել են ծայրահեղ ծանր վիճակից կայունացնել ու տեղափոխել բժկական կենտրոն։ Այս պահին եկել է գիտակցության, հարաբերական կայուն է վիճակը, գտնվում է վերակենդանացման բաժանմունքում»,- հայտնել է Անատոլի Գնունին։
Նշենք, որ երեկ՝ հունիսի 9-ին, Մանվել Գրիգորյանի առողջական վիճակը կտրուկ վատացել էր, նա կորցրել էր գիտակցությունը։
