Հայտնի չէ, թե երբ կհարվածի կորոնավիրուսի երկրորդ ալիքը. Գախարիա
Մենք պետք է հասկանանք, որ այս տարի բավականին դժվար է լինելու: Այս մասին ասել է Վրաստանի վարչապետ Գեորգի Գախարիան Նիկոզի գյուղի ֆերմերների հետ հանդիպմանը՝ ընդգծելով, որ չնայած կառավարում են համաճարակը, միևնույն է՝ կանգնած են մեծ ռիսկերի առջև:
«Անհրաժեշտ է վերադարձնել մարդկանց տնտեսություն. գյուղացուն՝ այգի, բանվորին՝ ձեռնարկություն, գիտնականին՝ ինստիտուտ, աշակերտին՝ դպրոց, քաղծառայողին՝ ժողովրդին ծառայության: Այս ամենը երկիրը պետք է հասցնի անել 4-5 ամսվա ընթացքում, քանի որ առջևում անորոշություն է, հայտնի չէ, թե երբ կհարվածի կորոնավիրուսի երկրորդ ալիքը, և երբ կստեղծվի պատվաստանյութը»,- նշել է Գախարիան:
