Այսօրվա իրավիճակից օգտվողները, ճգնաժամի ավարտից հետո վատ վիճակում են հայտնվելու. Արսեն Խառատյան

Բոլոր այն մարդիկ, որոնք այսօր օգտվում են իրավիճակից, համաճարակի ընթացքում կոնկրետ շահեր են հետապնդում, ճգնաժամի ավարտից հետո վատ վիճակում են հայտնվելու: Այսօր տեղի ունեցած հեռավար քննարկման ընացքում նման կարծիք հայտնեց Վրաստանում գործող «Ալիք մեդիա» հայկական հարթակի գլխավոր խմբագիր Արսեն Խառատյանը:

«Պետք է խոսենք այն սխալների մասին, որոնք արվել են, բայց ես ընդհանուր առմամբ ասում եմ, որ քաղաքական որոշ ուժերի ոչ միայն անհամերաշխությունը, պահի լրջությունը չգիտակցելը, այլև մյուս կողմից անթաքույց հրճվելը, ամեն Աստծո օր իրավիճակից օգտվելը, կարծում եմ, իրենք իրենց ոտքին են կրակում քաղաքական իմաստով:

Ճտերն աշնանն են հաշվում, ժամանակը կգա, յուրաքանչյուրին իր գնահատականը կտրվի: Արդեն իսկ տրվում է որոշ իմաստով»,- ասաց Խառատյանը: