Թե ինչ եղավ հետո, երբ խոսեց Ծառուկյանը․ Նաիրա Զոհրաբյան
«Բարգավաճ Հայաստան» խմբակցության պատգամավոր Նաիրա Զոհրաբյանը ֆեյսբուքյան էջում գրել է․
«Թե ինչ եղավ հետո, երբ խոսեց Ծառուկյանը
Ֆեյսբուքը եռում է: Պապուա Նոր Գվինեայի Ուլավուն հրաբուխը թեթև «զաժիգալկա» է տարբեր տրամաչափի գործիչների աննախադեպ ինքնաբռնկման դիմաց:
Մի ողջ կուսակցություն բերվեց մարտական պատրաստվածության և դուրս եկավ մարտական առաջնագիծ ընդամենը մեկ այլ կուսակցության` քաղխորհրդի նիստից հետո: Ֆեյսբուքում աննախադեպ հրմշտոց է. իրար հերթ չտալով, մեկը մյուսի հետևից ստատուսա որ արտանետվում է արտաքին միջավայր: Պարզապես հիշեցի Լաո Ցզիին, ով վստահ էր, որ նա, ով ձեզ զայրացնում է, նա էլ իրականում ձեզ կառավարում է»,-գրել է պատգամավորը։
