Այսօրվանից սկսած վարչապետ Փաշինյանը պարետատան նիստերից հետո պարբերաբար հանդես է գալու ճեպազրույցով: Փաշինյանը նշեց՝ կարելի է ասել, որ կորոնավիրուսի երկրորդ ալիքի հետ գործ ունենք: Նրա խոսքով՝ պարետատան սահմանած կանոնները համարժեք են իրավիճակին, բովանդակային առումով արդյունավետ են: Ըստ նրա՝ խնդիրը կանոնների պահպանումն է: Կանոնների պահպանման որակի հետ կապված, ասաց, որ խնդիր ունենք: Վարչապետը նորից հիշեցրեց անվտանգության կանոնների մասին՝ նշելով, որ դրանաց պահպանման դեպքում իրավիճակը ոչ միայն կբարելավվի, այլև կձգտի զրոյի:

Խստացված ստուգումներ են իրականացվելու միջմարզային սահմաններին, անցակատեր կսահմանվեն՝ ստուգումների համար: Կանոնների խախտման դեպքում էլ վարչական պատասխանատվության խստագույն մեթոդներ կգործեն: Նիկոլ Փաշինյանն արձանագրեց, որ հիմնական ուղղություններից է քաղաքացիների հետ երկխոսությունը որ յուրաքանչյուրն անի իրենից կախվածը՝ չվարակելու և չվարակվելու համար: