Բողոքի ակցիա Շուշիում՝ ընդդեմ Արցախի նորընտիր նախագահի

Արցախի Հանրապետության Շուշի քաղաքում այսօր բողոքի ակցիա է տեղի ունեցել ընդդեմ Արցախի նորընտիր նախագահ Արայիկ Հարությունյանի: Բողոքի ակցիան տեղեի է ունեցել այն ժամանակ, երբ Արայիկ Հարությունյանը հանդիսավորությամբ ստանձնում էր Արցախի նախագաի պաշտոնը ԱԺ հատուկ նիստում։

«Գիտակից ընտրության» Ֆեյսբուքյան էջում հրապարակվել են լուսանկարներ բողոքի ակցիայից, որտեղ մի խումբ քաղաքացիներ ֆլեշմոբ են իրականացրել։ Նրանք կանգնել են փողոցում եւ պարզել «Կեղծված ընտրություններ», «Գանձագող», «Մի՛ երդվիր, չենք հավատում» եւ այլ գրություններով պաստառներ։

Ակցիայի մասնակիցները փակել դեպի մշակութային կենտրոն տանող փողոցը, իսկ ոստիկանները պատ են կազմել և թույլ չեն տվել ցուցարարներին առաջ գալ: