ՀՀ Առողջապահության նախարարությունը հայտնում է, որ մայիսի 17-ի ժամը 11:00-ի դրությամբ Հայաստանում կորոնավիրուսով վարակման հաստատված դեպքերի ընդհանուր քանակը 4472 է: Մեկ օրում կորոնավիրուսով վարակվել է 189 մարդ:

Վարակից ապաքինվածների թիվն ավելացել է 134-ով՝ ընդհանուր առմամբ կազմելով 1925: Այս պահի դրությամբ փաստացի բուժվողները 2463-ն են: Գերատեսչությունից հայտնում են, որ մայիսի 17-ի դրությամբ հանձնված թեստերի քանակը 40 230 է:

Կորոնավիրուսի հետևանքով մահացածների թիվն ավելացել է 5-ով: Ընդհանուր առմամբ վիրուսից մահացել է 60 մարդ: Կորոնավիրուսով վարակված, սակայն այլ պատճառով մահացածների թիվը 24-ն է: