Այսօր հրավիրված մամուլի ասուլիսի ընթացքում լրագրողը Նիկոլ Փաշինյանից հետաքրքվեց՝ ինչո՞վ է պայմանավորված կոռուպցիոն հանցագործությունների բացահայտման արդյունքում բյուջե վերականգնված թվերի տարբերությունը:

Խոսքը գնում է վարչապետը այն հայտարարության մասին, թե հեղափոխությանը հաջորդող ժամանակահատվածում բյուջե է վերականգնել կոռուպցիոն հանցագործությունների գծով մոտ 105 մլն դոլար։ Մինչդեռ դատախազության և ԱԱԾ-ի տրամադրած թվերը բոլորովին այլ են։

«Բարձրաստիճան պաշտոնյաներից մեկի ընտանիքի հաշվեհամար էր հայտնաբերվել, որտեղ 28 կամ 30 մլն դոլար գումար կար։ Հետո, հանգամանքների բերումով, այդ գումարը, ինչքան ես հիշում եմ, նվիրաբերվեց Արցախի Հանրապետությանը և այդ գումարն օգտագործվեց ռազմական, պաշտպանական, անվտանգային կարիքների համար։ Դա այլ ընթացակարգով է վերականգնել պետությունը և թվերի անհամապատասխանության պատճառը սա է»,- պատասխանեց վարչապետը։