Հեռակայող ուսանողները նույնպես կառավարության հակաճգնաժամային ծրագրից օգտվելու հնարավորություն ունեն․ նախարար
Ուսանողները, որոնք հեռակա են սովորում, հնարավորություն ունեն օգտվել կառավարության 14-րդ հակաճգնաժամային ծրագրից։ Այս մասին ԱԺ նիստում մայիսի 6-ին հայտարարեց ԿԳՄՍ նախարար Արայիկ Հարությունյանը՝ պատասխանելով պատգամավորների հարցերին։
Նախարարի խոսքերով՝ իրենք առաջին հերթին խրախուսում են կրթության ոլորտում բարձր ձեռքբերումներ ունեցող ուսանողներին։
«Նշվում է 21 բարձրագույն ուսումնական հաստատություն, որոնց ուսանողները ուսման համար ստանում են համապատասխան զեղչեր։ Առաջին խմբում վերջին կուրսերի ուսանողներն են, որոնք ունեն ավելի քան 90 բալ, որոնք մինչեւ 100% փոխհատուցում են ստանում, իսկ երկրորդ խմբում մյուս կուրսերի ուսանողներն են, որոնք մինչեւ 75%-ի չափով զեղչ են ստանում»,- պարզաբանեց Հարությունյանը։
