Գազի հետ կապված իրավիճակը մտահոգիչ է․ Փաշինյան

Ազգային ժողովում կառավարության ղեկավարի ներկայությունը օգտագործելով՝ պատգամավոր Գոռ Գևորգյանը նրան հարցրեց գազի գնի շուրջ ստեղծված իրավիճակի մասին։

«Գազի հետ կապված (իրավիճակը), իհարկե, մտահոգիչ է», – ասաց Փաշինյանը։

Նա նշեց, որ ռուսական գործընկերները ձգտում են, որ «Գազպրոմ Արմենիայի» գործունեությունը շահավետ լինի։ Եվ հայկական կողմը, ըստ Փաշինյանի, ընդհանուր առմամբ ըմռնում է, որ պետք է ներդրումներ լինեն, խողովակաշարերը պետք է սպսարկվեն և այլն։

Սակայն, ըստ Փաշինյանի, ընթացիկ պայմաններում, էներգակիրների շուկայի փլուզման իրավիճակում ռուսական ընկերությունը պետք է այլ մոտեցում ցուցաբերի։ Հայաստանի կառավարության մոտեցումը, ըստ այդմ, լինելու է բանակցելն այս հարցով։