«Հայաստանում 300 միլիարդ, առավել ևս 385 միլիարդ դրամ ազատ փող չկա». Բաբկեն Թունյան
Իմքայլական Բաբկեն Թունյանն արձագանքելով ԼՀԿ պատգամավորների հայտարարություններին ասաց, եթե Ազգային ժողովում քննարկումները պետք է լինեն այս մակարդակի, ապա ավելի լավ է՝ չլինեն։ Վերջինները պնդում են, որ կառավարությունը ազատ դրամական միջոցներ ունի, բայց չի օգտագործում կարիքավորներին օգնելու համար։ Թունյանը ասաց, որ Հայաստանում 300 միլիարդ, առավել ևս 385 միլիարդ դրամ ազատ փող չկա։ Նա նշեց, որ եթե խոսքը գանձապետական հաշվի մասին է, ապա այնտեղ եղած փողը մի քանի անգամ պակաս է, և այն էլ հստակ նպատակների համար է, ազատ չէ։ «Որևէ մեկին թվում է, որ էնտեղ սնդուկով փողերը դրվա՞ծ են որևէ հաշվի վրա, և մենք մեզ կրակն ենք գցել, լրացուցիչ փողի աղբյո՞ւր ենք ման գալիս»,- ասաց Թունյանը։
