Սյունիքում կորոնավիրուսով վարակվածների կրկնակի թեստը եղել է բացասական. փոխմարզպետ
Սյունիքի մարզում կորոնավիրուսով վարակվածների կրկնակի թեստը եղել է բացասական։ Այս մասին ֆեյսբուքյան իր էջում գրել է Սյունիքի փոխմարզպետ Նարեկ Բաբայանը։
Նա, մասնավորապես, գրել է.
«Սիրելի սյունեցիներ, ուրախությամբ տեղեկացնում եմ, որ մարզում կորոնավիրուսով հիվանդ բոլոր պացիենտների կրկնակի թեստը եղել է բացասական: Բոլոր վարակակիրներն առողջացել են եւ դուրս են գրվել հիվանդանոցից: Սա իհարկե եւ գոհացնող է, եւ պարտավորեցնող: Այդ կապակցությամբ հորդորում եմ խստորեն հետեւել պարետատան ցուցումներին, ցուցաբերել խոհեմություն եւ հասարակական պատասխանատվություն: Հետեւեք պաշտոնական լրահոսին, մի տրվեք խուճապի եւ պահպանեք զգոնությունը: Իմ խորհին շնորհակալությունն եմ հայտնում այս օրերին անձնվիրաբար աշխատող բոլոր բուժաշխատողներին, ովքեր, անշուշտ, մերօրյա հերոսներն են»։
