Վրաստանը մտադիր է փոխհատուցել իր քաղաքացիների կոմունալ վճարները, եթե Վրաստանը վճարում է, ինչո՞ւ Հայաստանը, որ տնտեսական աճով առաջ է Վրաստանից, չի աջակցում իր քաղաքացիներին: Այս հարցն այսօր ուղղեցին ՀՀ վարչապետ Նիկոլ Փաշինյանին:

Վարչապետը պատասխանեց՝ Վրաստանի կառավարությունը սուբսիդավորում է այն քաղաքացիներին, որոնք որոշակի քանակի գազ կամ էլեկտրաէներգիա են օգտագործել: Դա, ըստ վարչապետի, որոշ հաշվարկներով կազմում է 25 000 դրամ, մինչդեռ ՀՀ կառավարության ներդրած մեխանիզմներով՝ խոցելի խմբերը շատ ավելի շատ աջակցություն են ստանում: Այդ աջակցությունը, ըստ Փաշինյանի, հասանելի կլինի բոլոր խոցելի խմբերին: