ԿԲ-ում հարկատուներն իրենց վճարած հարկերով ունեն 377 մլրդ դրամ, որը ժողովրդի փողն է. Մարուքյան

«Լուսավոր Հայաստան» խմբակցության ղեկավար Էդմոն Մարուքյանի մոտ արտակարգ դրության պայմաններում տեղաշարժի սահմանափակումները անպատասխն հարցեր են առաջացրել:

Նրա խոսքով` աշխարհի որևէ երկրում չկա այնպիսի վիճակ, որ մարդկանց ասեն՝ նստեք տանը, և նրանց հացի խնդիրը չլուծեն։
Խորհրդարանում` լրագրողների հետ զրույցում, նա ընդգծեց օրավարձով աշխատող քաղաքացիների հարցը, որոնք տանն են մնալու և հետևաբար գումար չեն վաստակելու:

«Այս պահին Կենտրոնական բանկում հարկատուներն իրենց վճարած հարկերով ունեն 377 մլրդ դրամ, որը ժողովրդի փողն է և թիրախային խմբերին պիտի ուղղվի»,- ասել է Մարուքյանը: