Պետք է միասնական լուծումներ գտնել. Ծառուկյան

ԲՀԿ առաջնորդ Գագիկ Ծառուկյանն այսօր խորհրդարանում լրագրողների հետ զրույցում անդրադարձավ Հայաստանում կորոնավիրուսի հետևանքով հնարավոր տնտեսական հետևանքներին: Նա կարևորեց խորհրդարանում այսօր ընդունված օրենքը, որով պատասխանատվություն է սահմանվում մտածված կերպով այլ անձանց վարակելու համար:

Ծառուկյանից հետաքրքրվեցին՝ ի՞նչ վիճակ է գործարաններում, արդյո՞ք ինքը, իբրև գործարար, վնասներ է կրում: Ծառուկյանը հիշեցրեց՝ տնտեսական ճգնաժամի հնարավորության մասին ինքն ահազանգել էր դեռ ամիսներ առաջ, սակայն քայլեր չձեռնարկվեցին:

Այժմ, ըստ նրա, պետք է միասնական լուծումներ գտնել այս իրավիճակից: Նա կարծում է, որ վարկերը պետք է սառեցնել երեք ամսով: Պատգամավորն ասաց՝ պետությունը պետք է քայլեր ձեռնարկի, ինքը, իբրև սեփականատեր, կփորձի օգնել: