Իտալիայում ապրող հայերի վարակվածության մասին որևէ տեղեկություն չունենք. Զարեհ Սինանյան

Համաճարակի կենտրոն հանդիսացող Իտալիայում և Չինաստանում հայկական համայնքները համեմատաբար փոքր են, բայց Ֆրանսիայում, որտեղ էլի մեծ թվով վարակված անձինք կան, մեծ համայքն ունենք:

Այս մասին այսօր, մամուլի ասուլիսի ժամանակ ասաց Սփյուռքի գործերով գլխավոր հանձնակատար Զարեհ Սինանյանը: Նա նշեց, որ պետք է պատրաստ լինել, որ ոչ մի երկրիր զերծ չի մնա այս համաճարակից:

«Մեր գրասենյակը ամենօրյա կապի մեջ է համայանքների հետ, առանձին անհատների, կազմակերպությունների հետ: Այս համաճարակի հետ Իրանում մեկ մահ ենք ունեցել՝ 85 տարեկան կին: Հոլանդիայում վիճակը բավարար է, Իտալիայոոմ վարակվածների մասին տեղեկություն չունենք: Նույն իրավիճակն է նաև Եվրոպայի մյուս երկներում, կոնկրետ տեղեկություն չունենք հայ վարակված մարդկան մասին, սակայն մշտական կապը շարունակում ենք և նորություն լինելու դեպքում Ձեզ էլ կիրազեկենք»,-ասաց նա:

Զարեհ Սինանյանը նշեց նաև, որ բազմաթիվ զանգեր ու նամակներ են ստանում տարբեր երկրներում ապրող հայերից, հիմնական հարցերը կապված են Հայաստան գալու հետ:

«Ամեն մեկի դեպքը մյուսինից տարբերվում է, փորձում ենք սպառիչ տեղեկություններ տալ, լուծումներ գտնել: Շատ են դիմողները հատկապես Ռուսաստանից, մարդիկ ցանկանում են ցամաքային ճանապարհով գալ Հայաստան, սակայն բացատրում ենք, որ դա
այս պահին անհնար է»,-նշեց նա: