Հրաժարական ներկայացրած ավագանու անդամներին կփոխարինեն

Համաձայն ԿԸՀ 2020 թվականի փետրվարի 11 արձանագրության՝ Երևանի ավագանու «Իմ քայլը» ցուցակի՝ ընտրված և լիազորությունները վաղաժամ դադարեցրած անդամ Հենրիկ Հարթյանի մանդատը տրվել է «Իմ քայլը» ընտրական ցուցակի հերթական հաջորդ թեկնածու Պավել Սարգսյանին, Երևանի ավագանու նիստի ժամանակ ասաց Երևանի քաղաքապետ Հայկ Մարությանը: 

«Երևանի ավագանու «Իմ քայլը» կուսակցությունների դաշինքի ընտրական ցուցակի ընտրված և լիազորությունները վաղաժամկետ դադարած ավագանու անդամ Հենրիկ Հարթենյանի մանդատը  տրվել է «Իմ քայլը» կուսակցությունների դաշինքի ընտրական ցուցակի հերթական հաջորդ թեկնածու Պավել Սարգսյանին։ Ողջունում ենք ձեզ, պարոն Սարգսյան, կարծում եմ, երևանցիները դեռ առիթ կունենան ձեզ առանց դիմակի տեսնելու, որպեսզի ավելի լավ ճանաչեն: Բացի այդ՝ ավագանու իմքայլական անդամ Արուսյակ Հարությունյանը դիմում է ներկայացրել ավագանու անդամի պաշտոնից հրաժարվելու մասին: Նրա մանդատը տրվել է Հռիփսիմե Հունանյանին», - տեղեկացրեց քաղաքապետը: