Եթե գործատուի հրահանգով է աշխատանքի չհաճախելը, աշխատանքի վարձատրությունը պետք է պահպանվի. Անանյան
«Եթե կազմակերպությունը, արտակարգ դրությամբ պայմանավորված, աշխատակիցներին չի կանչում աշխատելու, ունի՞ արդյոք նրան չվարձատրելու իրավունք»,- այսօր ՊԵԿ նախագահ Դավիթ Անանյանին նման հարց ուղղեցին լրագրողները:
Պարետատան աշխատանքների շրջանակներում հրավիրված ասուլիսի ժամանակ լրագրողները հետաքրքրվեցին հատկապես օրավարձով աշխատողների վարձատրության հարցով:
Անանյանը պատասխանեց.
«Աշխատանքային օրենսդրությամբ կարգավորվող հարց է, պարետի ու պարետատան աշխատանքներին պետք է հետևենք, որ ունեն մեծ լիազորություններ, այս դեպքում, եթե գործառուի հրահանգով է աշխատանքի չհաճախելը, ապա պետք է աշխատանքի վարձատրությունը պահպանվի, և եթե կան որոշակի խնդիրներ, կարծում եմ` դա Աշխատանքի և առողջապահության տեսչական մարմնի լիազորության ներքո է»:
