Կարանտինում գտնվող իտալացիները երգում են

Իտալիայում, որտեղ կորոնավիրուսով վարակվածների թիվն ամենամեծն է Չինաստանից հետո,  մարդիկ երգում են իրենց պատշգամբներից՝ ժողովրդի ոգին բարձր պահելու համար: 

Հիշեցնենք, որ Իտալիայում 1 օրում գրանցվել է կորոնավիրուսից մահացության ռեկորդային ցուցանիշ։ Մեկ օրում վարակը խլել է 250 մարդու կյանք։ Այսպիսով, զոհերի թիվը երկրում հասել է 1266-ի։ Այս մասին հայտարարել է Քաղպաշպանության դեպարտամենտի ղեկավար Անջելո Բորելին։ 

Իտալիայում կորոնավիրուսի բռնկման պահից ի վեր վարակվածների ընդհանուր թիվը հասել է 17660-ի, նրանցից ներկայում բուժում է ստանում 14 955-ը, 1439 մարդ բուժվել է։ 

Զոհերի միջին տարիքը գերազանցում է 80-ը։ Վարակի տարածման տեմպը շարունակում է բարձր մնալ։ 

Մասնագետների գնահատմամբ՝ աշխարհում կորոնավիրուսի զոհերի 20 տոկոսը բաժին է ընկնում Իտալիային։ 

Կորոնավիրուսի բռնկումը երկրում սկիզբ է առել փետրվարի 21-ին։