Թրամփը The New York Times-ն անվանել է «լրագրության խայտառակություն»
ԱՄՆ նախագահ Դոնալդ Թրամփը The New York Times օրաթերթն անվանել է «լրագրության խայտառակություն» կեղծ տեղեկությունների տարածման համար:
«The New York Times-ը լրագրության խայտառակությունն է: Նրանք մեռած թերթ էին մինչև իմ՝ քաղաքականություն մտնելը և նորից մեռած թերթ կդառնան, երբ ես հեռանամ, ինչը տեղի կունենա 5 տարի հետո: Կեղծ լուրերը ժողովրդի թշնամին են»,- գրել է Թրամփը Twitter-ի իր էջում:
Հիշեցնենք, որ փետրվարի 27-ին Դոնալդ Թրամփի նախընտրական շտաբը դիմել է Նյու Յորքի գերագույն դատարան՝ զրպարտության մեղադրանք ներկայացնելով New York Times թերթի դեմ: Մեղադրանքի առիթ է դարձել անցյալ տարի պարբերականի հրապարակած հոդվածը 2016թ. ԱՄՆ նախագահական ընտրություններին ռուսական միջամտության մասին:
