Իլհամ Ալիևը «վրդովվել է»՝ պատմական քարտեզներում տեսնելով Ուրարտուն և Սիսիանը
Ադրբեջանի նախագահ Իլհամ Ալիևը` մարտի 4-ին մասնակցելով Թովուզի շրջանում պատմաերկրագիտական թանգարանի բացմանը և ծանոթանալով ներկայացված պատմական քարտեզներին, «վրդովվել է»՝ այնտեղ հայտնաբերելով Սիսիանն ու Ուրարտուն:
Ալիեւը սկսել է մեղադրել թանգարանների աշխատակիցներին` քարտեզների վրա հայկական տեղանունների համար: Մե'կ այն գրված չէ, մե'կ այնպես գրված չէ. Ալիեւն այնքան էր տարվել, որ հայտարարեց Հրազդան գետի «իսկական անվան մասին» ... Զենգի: Իսկապես, գետը նախկինում կոչվում էր Զանգու, ինչը հայերեն նշանակում է «զանգակ, զանգ»:
«Սա ո՞ր դարի քարտեզ է: Որտեղի՞ց եք վերցրել այս քարտեզը: Ադրբեջանի ներկայիս տարածքի վրա Մինգեչյավիրից բացի ոչ մի պատմական անվանում գրված չկա: Գրված է, օրինակ, Սիսիան: Այն ժամանակ Սիսիան չի եղել, հետո ինչ-որ մեկն այն հորինել է... Այս քարտեզից ոչինչ հնարավոր չէ հասկանալ: Այստեղ Կովկասյան Ալբանիան (Աղվանք) էլ նշված չէ: Իսկ տեսեք, թե ինչ տառերով է գրված Ուրարտու»,- ասել է Ալիևը՝ դիմելով շրջանի գործկոմի ղեկավար Մամեդ Մամեդովին:
