ԿԸՀ-ից Պապիկյանին տեղեկացրելեն «Հանրաքվեի մասին» օրենքի պահանջները խստորեն պահպանելու մասին

Կենտրոնական ընտրական հանձնաժողովը տեղեկացնում է, որ ուսումնասիրել է Ազգային ժողովի 2020 թվականի մարտի 4-ի նիստում Հայաստանի Հանրապետության տարածքային կառավարման և ենթակառուցվածքների նախարար Սուրեն Պապիկյանի ելույթը և Հայաստանի Հանրապետության ընտրական օրենսգրքի 49-րդ հոդվածի 8-րդ մասի համաձայն` որպես օպերատիվ լուծում պահանջող հարց, անմիջապես կապ է հաստատվել «Այո» քարոզչության կողմի ներկայացուցչի և նախարար Սուրեն Պապիկյանի հետ և ուշադրություն հրավիրելով «Հանրաքվեի մասին» Հայաստանի Հանրապետության սահմանադրական օրենքի 17-րդ հոդվածի 14-րդ մասի պահանջներին` տեղեկացրել հանրաքվեի քարոզչության ընթացքում դրանք խստորեն պահպանելու մասին:

ԱԺ-ում մարտի 4-ի նրա ելույթից հետո արձագանքներ եղան, թե նա ամբիոնից իրականացրել է «այո»-ի ուղիղ քարոզչություն՝ հերքելով տեղեկությունները, թե մարզպետները համայնքների ղեկավարներին հրահանգում են աշխատել «Այո»-ի շտաբի օգտին։