Եվրախորհրդարանը սահմանափակել է աշխատանքը կորոնավիրուսով վարակված աշխատակցի պատճառով
Եվրոպայի պաշտպանական գործակալությունում (EDA) հաստատել են, որ աշխատակիցներից մեկի մոտ COVID-19 կորոնավիրուսի առկայության անալիզը դրական արդյունք Է տվել: Այդ մասին մարտի 4-ին Բրյուսելում հայտնել Է ԵՄ-ի ինստիտուտներին մոտ կանգնած EURACTIV ինտերնետ-ռեսուրսը, տեղեկացնում Է «Արմենպրես»-ը:
Ըստ աղբյուրիՙ խոսքը գործակալության բարձրաստիճան պաշտոնյայի մասին Է, որն Իտալիա կատարած ուղևորությունից վերադարձել Է անցյալ շաբաթ: Ըստ պորտալի տեղեկությունների, EDA-ում որպես նախազգուշական միջոց մինչև մարտի 13-ը չեղարկվել են բոլոր խորհրդակցությունները, որոնք պետք Է անցկացվեին նրա հարկաբաժիններում: Գործակալությունը նաև որոշել Է չեղարկել այդ նույն ժամկետում բոլոր աշխատակիցների մասնակցությունը արտաքին խորհրդակցություններին:
Նախազգուշական այս միջոցը հիմնվում Է այն նոր ցուցումների վրա, որոնք ստացվել են ԵՄ-ի բժշկական հանձնաժողովի կողմից: Իտալիա ուղեւորությունից հետո վարակվածն անցյալ շաբաթ չորս ժամ տեւողությամբ խորհրդակցության Է մասնակցել ԵՄ-ի այլ հաստատությունների մոտավորապես 30 պաշտոնատար անձանց հետ: Եվրոպական արտաքին քաղաքական ծառայության զինվորական շտաբի անդամներից մեկի մոտ, որը ներկա Էր խորհրդակցությանը, ի հայտ են եկել տկարության ախտանիշներ, այժմ նա սպասում Է թեստի արդյունքներին:
