Պուտինը և Էրդողանը հնարավոր է մարտի 5-ին կամ 6-ին հանդիպեն Մոսկվայում
Ռուսաստանի և Թուրքիայի նախագահներ Վլադիմիր Պուտինը և Ռեջեփ Թայիփ Էրդողանը կարող են հանդիպել Մոսկվայում մարտի 5-ին կամ 6-ին: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է ՏԱՍՍ-ը:
«Իսկապես, այսօր քննարկվել է ամենաբարձր մակարդակով հանդիպում կազմակերպելու թեման: Այս պահի դրությամբ, քննարկվում է մարտի 5-ին կամ 6-ին Մոսկվայում Պուտինի և Էրդողանի հանդիպման հնարավոր տարբերակը»,- ասել է Պեսկովը: Նշենք, որ Թուրքիայի և ՌԴ նախագահները Սիրիայի Իդլիբում տիրող իրավիճակը քննարկել են հեռախոսազանգով:
