Մերկելը և Էրդողանը հայտարարել են Իդլիբում նոր հրադադարի անհրաժեշտության մասին

Գերմանիայի կանցլեր Անգելա Մերկելը և Թուրքիայի նախագահ Ռեջեփ Թայիփ Էրդողանը հեռախոսազրույց են ունեցել: Երկու երկրների ղեկավարները Իդլիբում նոր հրադադարի անհրաժեշտության և քաղաքական բանակցությունների վաղ սկսման անհրաժեշտության մասին են խոսել: 

«Նախագահը և կանցլերը քննարկել են Իդլիբում տիրող իրավիճակը և իրադարձությունները, ներառյալ փախստականների տեսանկյունից: Կանցլերը դատապարտել է թուրքական ստորաբաժանումների նկատմամբ անողոք հարձակումները և պահանջել է վերջ դնել սիրիական ռեժիմի և նրա դաշնակիցների հարձակողական գործողություններին: Կողմերը պայմանավորվել են, որ անհապաղ պետք է կրակի դադարեցման նոր համաձայնագիր կնքել: Ղեկավարները անհրաժեշտ են համարել որքան հնարավոր է շուտ սկսել քաղաքական բանակցությունները»,- ասվում է հաղորդագրության մեջ: 

Մերկելը Էրդողանին փոխանցել է Գերմանիայի կառավարության սոլիդարությունը Իդլիբում տեղահանվածներին մարդասիրական օգնություն ցուցաբերելու հարցում: Նա նաև ցավակցություն է հայտնել Էրդողանին՝ թուրք զինվորականների մահվան կապակցությամբ: