ԱԺ պատգամավորները գործուղումներ կկատարեն

Սեւծովյան տնտեսական համագործակցության խորհրդարանական վեհաժողովի մշտական կոմիտեի եւ աշխատանքային խմբի նիստերին մասնակցելու համար 2020 թվականի մարտի 3-5-ը Ստամբուլ (Թուրքիայի Հանրապետություն) կգործուղվի ՍԾՏՀ ԽՎ-ում պատվիրակության ղեկավար, ԱԺ տնտեսական հարցերի մշտական հանձնաժողովի նախագահ Բաբկեն Թունյանը: Այս մասին գրում է Armdaily.am-ը: 

Ֆրանկոֆոնիայի խորհրդարանական վեհաժողովի (ՖԽՎ) Քաղաքական հարցերի հանձնաժողովի, Համագործակցության եւ զարգացման հարցերի հանձնաժողովի նիստերի աշխատանքներին մասնակցելու համար 2020 թվականի մարտի 4-7-ը Բուխարեստ (Ռումինիա) կգործուղվի ֆրանկոֆոնիայի խորհրդարանական վեհաժողովում ԱԺ պատվիրակության ղեկավար, ԱԺ արտաքին հարաբերությունների մշտական հանձնաժողովի նախագահի տեղակալ Հովհաննես Իգիթյանը, ԱԺ տարածաշրջանային եւ եվրասիական ինտեգրման հարցերի մշտական հանձնաժողովի նախագահ Միքայել Մելքումյանը: 

Հայաստանի Հանրապետության փոխվարչապետի գլխավորած պատվիրակության կազմում ՄԱԿ-ի կանանց կարգավիճակի հանձնաժողովի 64-րդ նստաշրջանին մասնակցելու համար 2020 թվականի մարտի 8-13-ը Նյու Յորք (Ամերիկայի Միացյալ Նահանգներ) կգործուղվի ԱԺ պատգամավոր Սոնա Ղազարյանը: