Ինչու է այս ատելության խոսքը հավանում Նաիրա Զոհրաբյանը․ «Իմ քայլը»-ի պատգամավոր

Ազգային ժողովի «Իմ քայլը» խմբակցության պատգամավոր Հովհաննես Հովհաննիսյանը ֆեյսբուքյան իր էջում գերլ է․ «Քաղաքացիներից մեկը նոր ինձ ուղարկեց այս սքրինշոթը և արդարացի հարցարդում է անում երկու մասով. առաջին, արդյոք սա ատելության խոսք չէ և երկրորդ, ինչու է այս ատելության խոսքը հավանում ԱԺ Մարդու իրավունքների պաշտպանության և հանրային հարցերի մշտական հանձնաժողովի նախագահը և դրանով իսկ նպաստում դրա տարածմանը:

Հիմա հա՞րց. Հարգելի տիկին Զոհրաբյան արդյո՞ք Դուք եք հավանել այս գրառումը և եթե այո, ապա ի՞նչ նկատառումներով»:

Նաիրա Զոհրաբյանն էլ պատասխանելով Հովհաննիսյանի հարցին, գրառման մեկնաբանություններում նշել է․ «Պարոն Հովհաննիսյան, գրառում անելուց առաջ կարծում եմ մենք նորմալ հարաբերություն ունենք եւ կարող էիք իմ հետ ճշտել։ Ընդամենը թյուրիմացություն է եղել ու պետք չի դարի ողբերգություն սարքել։ Ավելի լուրջ գործերով զբաղվեք՝ լայքեր հաշվառելու փոխարեն»։