ՏԵՍԱՆՅՈՒԹ. Հենրիխ Մխիթարյանի գոլային փոխանցումն անիմացիայի են վերածել
Իտալական Ա Սերիայի 25-րդ տուրի «Ռոմա»- «Լեչե» հանդիպման մի դրվագը, որի գլխավոր հերոսներից մեկը Հայաստանի ազգային հավաքականի խաղացող Հենրիխ Մխիթարյանն է, անիմացիայի է վերածվել։
Հիշեցնենք, որ այդ հանդիպումն ավարտվեց «Ռոմայի» ջախջախիչ հաղթանակով` 4։0, խաղի ընթացքում գոլերից մեկը խփեց Չենգիզ Ունդերը` հայ ֆուտբոլիստի փոխանցման շնորհիվ, մյուսն էլ` հենց Մխիթարյանը։
Այս խաղից հետո քվեարկության արդյունքում Մխիթարյանը հանդիպման լավագույն ֆուտբոլիստ է ճանաչվել։
Նշենք, որ այս խաղաշրջանում Մխիթարյանը խփել է չորս գոլ, իսկ «Ռոմայի» լավագույն ռմբարկու Էդին Ջեկոն՝ տասը։ Բայց Ջեկոն խաղացել է 1 952 րոպե, ուստի նա միջինում խփել է մեկ գոլ 195 րոպեում։ Իսկ Մխիթարյանը դաշտ է դուրս եկել ավելի քիչ (541 րոպե դաշտում) և ավելի հաճախ գոլ խփել՝ 162 րոպեն մեկ։
