Իրաքը կորոնավիրուսի պատճառով փակել է Իրանի հետ սահմանը
Իրաքը փակել է Իրանի հետ պետական սահմանը` զգուշանալով նոր` COVID-2019 կորոնավիրուսի տարածումից: Այս մասին տեղեկացնում է Reuters գործակալությունը:
Իրաքի պաշտոնյաներն այս որոշումն ընդունել են այն բանից հետո, երբ Իրանի իշխանությունները հայտարարել են երկրում կորոնավիրուսի պատճառով մահվան 2 դեպքի մասին:
Իրաքի առողջապահության նախարարությունն այսպիսի միջոցառումների ներդրման անհրաժեշտությունը բացատրել է «երկու երկրների միջև ինտենսիվ ուղևորափոխադրումներով, որը կրոնական ուխտագնացության ժամանակ հասնում է մի քանի միլիոն մարդու, ինչպես նաև ուղևորներին զննելու և կարանտինային պայմաններում պահելու ընթացակարգեր ներառող կանխարգելիչ միջոցառումներ կազմակերպելու դժվարություններով»:
Միևնույն ժամանակ, իշխանությունները սահմանը չեն փակում Իրանից վերադարձող իրաքցիների համար, սակայն վերադառնալուն պես նրանք պետք է երկշաբաթյա կարանտին անցնեն:
Իրաքյան ավիաընկերությունները նույնպես դադարեցրել են չվերթները դեպի Իրան:
Նմանատիպ հոդվածներ
Թուրքերը կիսով չափ գրավել են Իդլիբի շրջանի Ալ-Նայրաբ քաղաքը. Կարեն Հովհաննիսյան
Ջերմաստիճանը կբարձրանա 5 աստիճանով
Կորոնավիրուսի դեպքերի թիվը կազմել է 75567․ մանրամասներ
Եղանակը Հայաստանում. առաջիկա 4 օրվա կանխատեսումը
Ավելին Այլ բաժնից
Լուրերը մեկ տողով. Եղանակ, գիշերահավասար և պատերազմական զարգացումներ. աշխարհը սպասման մեջ
Լուրերը մեկ տողով. ԱՄՆ-ն, Իսրայելը և Իրանը՝ ուղիղ բախման եզրին․ 0% գյուղվարկեր՝ ՀՀ-ում
Լուրերը մեկ տողով. Քաղաքական կրքերից մինչև պատերազմ․ ինչ զարգացումներ են տեղի ունենում
