3․4 մլրդ դրամ հատկացվեց հանրաքվեի անցկացմանը
Կառավարության այսօրվա նիստի ընթացքում ընդունված որոշումներից մեկով գործադիրը 3 միլիարդ 447 միլիոն դրամ հատկացրեց Սահմանադրական հանրաքվեի անցկացման համար․
2 միլիարդ 553 միլիոն դրամ՝ Կենտրոնական ընտրական հանձնաժողովին՝ հանրաքվեն կազմակերպելու համար,
660 միլիոն դրամ՝ տեղամասերի տեսախցիկների տեղադրման, ուղիղ հեռարձակման ապահովման համար,
234 միլիոն դրամ՝ ոստիկանությանը՝ ծանուցագրեր տպելու և քաղաքացիներին ծանուցելու համար։
Վարչապետը նկատեց, որ այս հարցում հնարավոր է շահարկումներ լինեն. «Այդ ծախսվող գումարը ներհոսելու է տնտեսություն, քանի որ տնտեսական գործարքներ են ի վերջո տեղի ունենալու և երկրորդը՝ ժողովրդի ազատ կամարտահայտությունն ապահովելու համար, այո, պետք է ծախսվեն գումարներ»,- ասաց Փաշինյանը:
