Բանակում արտոնյալներ չլինելու ուղղությամբ աշխատանքներ են տարվում. Դավթյան
Բանակում արտոնյալներ չլինելու ուղղությամբ աշխատանքներ են տարվում, հաշվառումներ ունենք։ Սակայն չեմ ուզում բացել այն ռազմավարությունը, որն այս ուղղությամբ տանում ենք, այսօր լրագրողների հետ հանդիպմանն ասաց ԶՈՒ ԳՇ պետ Արտակ Դավթյանը։
Հարցին՝ ԶՈՒ ԳՇ-ն իր առջև խնդրիր դրե՞լ է, որպեսզի բանակում խաղաղ պայմաններում զոհեր չունենանք, բարձրաստիճան զինվորականը պատասխանեց.
«Այո՛, 13 զոհից 8-ի հստակ պատճառը մենք գիտենք։ Մնացած՝ ինքնասպանության հասցնելու դեպքերին, բոլորի վերաբերյալ կան հարուցված քրեական գործեր։ Որտեղ ի հայտ ենք բերում բացթողումներ, շրջաբերականով ամբողջ ԶՈՒ հրամանատարական կազմին ներկայացնում ենք դեպքի նկարագիրը, ծնող պատճառները։ Դա կատարում ենք ոչ պակաս, քան ամեն շաբաթը մեկ»։
