Հալեպում սիրիական ուղղաթիռ է խոցվել

SANA գործակալությունը գրում է, որ այսօր Սիրիայում թուրքական զինյալները երկրի ԶՈւ ուղղաթիռ են խոցել։ 
Տեղեկության համաձայն` միջադեպը տեղի է ունեցել Հալեպում` Իդլիբի դեէսկալացիայի գոտում։ Ուղղաթիռը մարտական թռիչքներ էր իրականացնում Ուրում–էլ–Կուբրա ավանում գտնվող ահաբեկիչների հենակետերի մերձակայքում։ 
Ավելի վաղ` փետրվարի 11-ին, Իդլիբ Նայրաբ բնակավայրի մերձակայքում խոցել էին սիրիական Մի-17 ուղղաթիռը։ 
Որոշ աղբյուրների համաձայն` հարվածը հասցրել էր զինված սիրիական ընդդիմությունը, սակայն տեղեկություն կար, որ դա թուրքական ԶՈւ ձեռքի գործն է։