ԱԺ-ում երկրորդ ընթերցմամբ ընդունվեց «Ծխախոտային արտադրատեսակների և դրանց փոխարինիչների օգտագործման հետեւանքով առողջությանը հասցվող վնասի նվազեցման և կանխարգելման մասին» կից օրենքների նախագծերի փաթեթը։

Հակածխախոտային  նախագծի վերաբերյալ ԱԺ-ում  կարծիքներ հնչեցին։ 

Նախքան քվեարկությունը, «Իմ քայլը» խմբակցության պատգամավոր Բաբկեն Թունյանը նշեց, որ քննարկումներ են ունեցել խմբակցության ներսում, կառավարության հետ, ողջունում են նախաձեռնությունը, բայց քանի որ որոշ խնդրահարույց հարցեր կան, պատգամավորները տարբեր կարծիքներ ունեն, դրա համար «Իմ քայլը» ազատ կքվեարկի։

Թունյանն առաջարկեց ընդունել նախագիծը, ապա ԱԺ-ում օրենդրական նախաձեռնությունների միջոցով շտկել բացերը։

Սասուն Միքայելյանն էլ կարծում է՝ նախագիծը պետք է հետ կանչել, մշակել, նոր բերել, ոչ թե աշխատանքային խումբ ստեղծել օրենքի ընդունումից հետո։

Այդուհանդերձ, նախագիծն ընդունվեց 76 կողմ, 16 դեմ, 7 ձեռնպահ ձայներով