![«Ժամանակ». Պետությանը 1.7 մլրդ դրամի վնաս հասցրած փոխնախարարը Արթուր Աֆրիկյանն է](https://auroranews.am/storage/img/base_image/old/aee18bfe6f525ab02969023cb9ed41cb.webp)
«Ժամանակ». Պետությանը 1.7 մլրդ դրամի վնաս հասցրած փոխնախարարը Արթուր Աֆրիկյանն է
![«Ժամանակ». Պետությանը 1.7 մլրդ դրամի վնաս հասցրած փոխնախարարը Արթուր Աֆրիկյանն է](https://auroranews.am/storage/img/base_image/old/aee18bfe6f525ab02969023cb9ed41cb.webp)
«Ժամանակ» թերթը գրում է. «Փետրվարի 8-ին Ազգային անվտանգության ծառայությունը տեղեկացրեց, որ պետությանը ավելի քան 1,7 մլրդ դրամի վնաս հասցնելու համար միջազգային հետախուզում է հայտարարվել ֆինանսների նախկին փոխնախարարի նկատմամբ, և որպես խափանման միջոց ընտրվել է կալանավորումը։
«Ժամանակ»-ի տեղեկություններով՝ այս գործով անցնող մեղադրյալը ֆինանսների նախկին փոխնախարար Արթուր Աֆրիկյանն է։ Նա պաշտոնավարել է ֆինանսների նախկին նախարար Գագիկ Խաչատրյանի ժամանակ՝ 2014-2016 թվականներին։ Մինչ այդ էլ Աֆրիկյանը ՊԵԿ փոխնախագահ էր։
Առհասարակ, Արթուր Աֆրիկյանը, սկսած 1980-ականներից, աշխատել է հարկային և մաքսային մարմիններում՝ ցածր օղակներից հասնելով փոխնախարարի պաշտոնի։
Արթուր Աֆրիկյանն անպաշտոն մնաց միայն այն ժամանակ, երբ վարչապետ դարձավ Կարեն Կարապետյանը և ՊԵԿ նախագահ դարձրեց իր մտերիմ Վարդան Հարությունյանին։ Մինչ այդ, սակայն, Աֆրիկյանին հաջողվել էր հսկայական կարողություն դիզել, բիզնեսներ ունենալ արտերկրում»։
Առավել մանրամասն՝ թերթի այսօրվա համարում