Հալեպում ԶԼՄ ներկայացուցիչներ են վիրավորվել, այդ թվում հայազգի օպերատոր
Սիրիայի Հալեպի շրջանում ահաբեկչական հարձակումների հետևանքով սիրիական ԶԼՄ-ների ներկայացուցիչներ են վիրավորվել: Այս մասին չորեքշաբթի օրը հաղորդել է SANA գործակալությունը:
Ըստ գործակալության՝ տուժած լրագրողների թվում կան նաև SANA գործակալության թղթակիցներ, ովքեր գրոհայինների գնդակոծման պահին կատարում էին իրենց մասնագիտական պարտականությունները:
Վերջին տվյալներով, վիրավորում են ստացել SANA գործակալության թղթակից Շադի Հիլվան, օպերատորներ Շարիֆ Աբսը և հայազգի Ժորժ Արաֆելյանը: Նշվում է, որ նրանք լրագրողների այն խմբում էին, որոնք լուսաբանում էին Հալեպի արևելյան հատվածում հակաահաբեկչական գործողությունները:
