ԱԺ-ն ընդունեց երեկ քննարկված բոլոր նախագծերը
ԱԺ-ն այսօր ընդունել է երեկ քննարկված բոլոր նախագծերը: Քվեարկությունների ընթացքում հետևյալ պատկերն է արձանագրվել.
1.«Սոցիալական աջակցության մասին» օրենքում փոփոխություններ կատարելու մաuին հարցն ընդունվել է 103 կողմ ձայներով,
2.«Պետական նպաստների մասին» Հայաստանի Հանրապետության օրենքում լրացումներ կատարելու մասին օրենքի նախագիծն ընդունվել է 107 կողմ ձայներով,
3.«Բնակչության բժշկական օգնության և սպասարկման մասին» Հայաստանի Հանրապետության օրենքում փոփոխություն կատարելու մասին և կից ներկայացված օրենքների նախագծերի փաթեթի՝ առաջին ընթերցմամբ քվեարկությունից առաջ «Բարգավաճ Հայաստան» խմբակցության պատգամավորը հայտարարել է. «Մենք վերահաստատում ենք մեր դիրքորոշումը, որ երկրորդ ընթերցման ընթացքում պետք է կազմակերպվի հարցի լայն քննարկում, մենք, իհարկե, կողմ ենք քվեարկում, սակայն պարտադիր պետք է մինչև երկրորդ ընթերցում լսումներ կազմակերպել կամ այլ ֆորմատ գտնել, որ ՀՀ քաղաքացիները մաքսիմալ ներգրավված լինեն հարցի քննարկմանը»:Նախագիծն ընդունվել է 111 կողմ ձայներով:
4.«Հողի հարկի մասին» օրենքում փոփոխություն կատարելու մասին օրենքի նախագիծն ընդունվել է 67 կողմ, 36 դեմ, 9 ձեռնպահ ձայներով։
5.«Լուսավոր Հայաստան»-ի կողմից ներկայացված «Տեղական ինքնակառավարման մասին» Հայաստանի Հանրապետության օրենքում փոփոխություն և լրացում կատարելու մասին հարցն ընդունվել է 109 կողմ ձայներով:
