Արտակարգ իրավիճակ Սյունիքում․ տեղում են նաև ռազմական ոստիկանության աշխատակիցները
Երևան-Երասխ-Մեղրի ավտոճանապարհի՝ ժողովրդին հայտնի Իշխանասարի խաչմերուկում ուժեղացված ծառայություն են շարունակում կատարել Ճանապարհային ոստիկանության և ռազմական ոստիկանության աշխատակիցները։
Ինչպես հայտնում է shamshyan.com-ը, այս պահին տեղի Ճանշինի տեխնիկան (գրեյդեր) աշխատում է, սակայն ուժեղ բուքը վայրկյանների ընթացքում ճանապարհը նորից դարձնում է անանցանելի։
Փրկարարների աշխատանքին օնլայն եղանակով հետևում է Արտակարգ իրավիճակների նախարար Ֆելիքս Ցոլակյանը։
Ավելի վաղ հայտնել էինք, որ մոտ 150 մեքենա մնացել է ճանապարհին։
