ԱՄՆ զինված ուժերը կրակ են բացել Սիրիայում. խաղաղ բնակիչներ են զոհվել, այդ թվում` երեխա
Սիրիայի հյուսիսարևելյան Ղամիշլի քաղաքի մերձակայքում գտնվող Հիրբաթ Ամմո գյուղում ԱՄՆ զինված ուժերը կրակ են բացել, որի հետևանքով երկու քաղաքացիական անձ, այդ թվում՝ մեկ երեխա, մահացել է, հայտնում է ՌԻԱ Նովոստի գործակալության աղբյուրը:
Գործակալության աղբյուրը նաև հավելել է, որ կրակոցների հետևանքով վիրավորվել է ևս մեկ մեծահասակ: Ամերիկյան կողմից կա մեկ վիրավոր:
«Առավոտյան ժամը10-ին ամերիկյան պարեկային ծառայությունը Hummer զրահատեխնիկայով միտումնավոր մտել է Սիրիայի իշխանությունների վերահսկողության գոտի: Մեքենաները մտել են Ալայի տարածքով դեպի Հիրբաթ Ամմո գյուղի, որտեղ տեղակայված է ազգային պաշտպանական անցակետը: Տեղի բնակիչները թույլ չեն տվել, որպեսզի պարեկային մեքենաները մտնեն գյուղ և սկսել են քարկոծել: Արդյունքում ամերիկացի զինվորականները կրակ են բացել բնակիչների ուղղությամբ», -ասել է ՌԻԱ Նովոստիի աղբյուրը:
