Ռուսաստանը 2 մլն բժշկական դիմակ է ուղարկել Չինաստան
Ռուսաստանը 2 միլիոն բժշկական դիմակ է ուղարկել Չինաստան որպես հումանիտար օգնություն: Այս մասին հայտարարել է Ռուսաստանի արդյունաբերության և առևտրի նախարարության ղեկավար Դենիս Մանտուրովը:
«Ռուսաստանում բժշկական դիմակների պակասի պատճառով խուճապ չկա: Որպես մարդասիրական օգնության մենք 2 միլիոն դիմակ ենք ուղարկել Չինաստան», - ասել է Մանտուրովը «Առաջին ալիք»-ի եթերում:
Նախարարը ավելի վաղ հայտարարել էր, որ Ռուսաստանում բժշկական դիմակների արտադրության ծավալը օրական կազմում է 1,2 միլիոն: Անհրաժեշտության դեպքում ծավալը կարող է հասնել մինչև1,5 միլիոնի:
