Ուհանում մոտ11 միլիոն մարդ է ստուգվել կորոնավիրուսի կասկածով
Չինաստանի 11 միլիոնանոց Ուհան քաղաքի բնակիչների ստուգումը գրեթե ավարտվել է: Այս մասին հայտնել է քաղաքային կոմիտեի մամուլի քարտուղարը, գրում է ՏԱՍՍ-ը:
«Մենք ստուգել ենք ընտանիքների 99% -ը: Մեր նպատակն է մինչև երեքշաբթի ավարտել աշխատանքները կասկածելի վարակ ունեցող անձանց հայտնաբերելու ուղղությամբ»,- մամուլի ասուլիսի ժամանակ հայտնել է նա: Նշենք, որ ստուգումները կատարվում են նոր տիպի կորոնավիրուսի տարածումը կանխելու նպատակով:
Պաշտոնյայի խոսքով, որպեսզի բացառեն վիրուսի հետագա տարածումը, բժիշկները ստուգել են բոլոր տները, հյուրանոցները, հանրային վայրերը և այլն: Բժիշկները նույն տարածքում կամ նույն մարդուն ստուգել են մի քանի անգամ: Վերջին տվյալների համաձայն, կորոնավիրուսի զոհերի թիվը կազմում է 681:
