Ամերիկայի հայերը կոչ են անում`թույլ չտալ, որ Թրամփը կրճատի Արցախին հատկացվելիք օգնությունը

Ամերիկայի «Հայ Դատի» հանձնախումբը (ANCA) հայերին կոչ է արել ակտիվ գործողությունների անցնել: Նման կոչով ANCA-ն հանդես է եկել այն բանից հետո, երբ ԱՄՆ նախագահ Դոնալդ Թրամփը Կոնգրեսին է դիմել այլ երկրներին հատկացվող ֆինանսական օգնությունը 21 տոկոսով կրճատելու նախագծով:

«Այժմ, ինչպես երբեք, անհրաժեշտ է, որ Կոնգրեսը փրկի Արցախին հատկացվելիք օգնությունը: Ձեր սենատորներն ու ներկայացուցիչները դա կանեն, եթե դուք, ձեր ընտանիքներն ու ընկերները նրանց հասկացնեք, որ դա ձեզ համար առաջնային խնդիր է»,- տեղեկացնում է հանձնախումբը: